КАССАЦИОННЫЙ СУД СФОРМИРОВАЛ ОРИЕНТИРУЮЩУЮ ПРАВОВУЮ ПОЗИЦИЮ ОТНОСИТЕЛЬНО ТОЛКОВАНИЯ ПОНЯТИЯ ПРЕСТУПНОЙ СУБКУЛЬТУРЫ И СОСТАВА ПРЕСТУПЛЕНИЯ, СВЯЗАННОГО С ВОВЛЕЧЕНИЕМ В ГРУППИРОВКУ, НЕСУЩУЮ ПРЕСТУПНУЮ СУБКУЛЬТУРУ
Վճռաբեկ դատարանի քրեական պալատը, 2026 թվականի օգոստոսի 28-ի որոշման շրջանակներում բացահայտելով քրեական ենթամշակույթ կրող խմբավորման հիմնական բնութագրիչ հատկանիշները, արձանագրել է, որ օրենսդիրը, որպես քրեական ենթամշակույթ կրող խմբավորման հոմանիշ, օգտագործում է «գողական աշխարհ» արտահայտությունը, այսինքն՝ «քրեական ենթամշակույթ կրող խմբավորում» և «գողական աշխարհ» հասկացություններն օրենսդրական կարգավորման տեսանկյունից, ըստ էության, նույնանում են և վերաբերում են միևնույն երևույթին։ Ուստի, Վճռաբեկ դատարանն ընդգծել է, որ տվյալ իրավանորմի շրջանակներում որպես քրեական ենթամշակույթ կրող խմբավորում պետք է դիտարկել ոչ թե առանձին խմբերը կամ խմբավորումները, այլ ամբողջ գողական աշխարհը՝ որպես միասնական համակարգ, իր ոչ ֆորմալ հիերարխիայով, հեղինակություններով և ազդեցությամբ, որը գործում է իր սահմանած և ճանաչած վարքագծի կանոնների համաձայն, և որին բնորոշ է «խնդիրների լուծումը» բռնությամբ, ահաբեկումով ու հարկադրանքով։
Ընդ որում, գողական աշխարհի գոյությունը, որպես հանրահայտ փաստ, քրեական վարույթի շրջանակներում ինքնին ապացուցման կարիք չունի։ Այլ կերպ՝ վարույթն իրականացնող մարմինը պարտավոր չէ յուրաքանչյուր կոնկրետ գործով հիմնավորել և ապացուցել գողական աշխարհի՝ որպես քրեական ենթամշակույթ կրող համակարգի գոյությունը։
Անդրադառնալով քրեական ենթամշակույթ կրող խմբավորման հետապնդած նպատակների իրականացմանը ներգրավված լինելու հանցակազմին՝ Վճռաբեկ դատարանն արձանագրել է, որ այն դրսևորվում է քրեական ենթամշակույթ կրող խմբավորմանը չանդամակցող անձի կողմից խմբավորման հետապնդած նպատակներին որևէ կերպ ներգրավված լինելու, դրանց իրականացմանը նպաստելու ձևով՝ ընդգծելով, որ վերոնշյալ անձինք, ըստ էության, քրեական աստիճանակարգությունից դուրս են գտնվում, քրեական ենթամշակույթ կրող խմբավորմանը (գողական աշխարհին) չեն անդամակցում կամ մասնակցում, պարզապես դրա նպատակների իրագործման հարցում ունենում են օժանդակ ներգրավվածություն։
Վճռաբեկ դատարանի որոշումը տե՛ս հետևյալ հղմամբ` http://cassationcourt.am/precedent/precedent-single-decision/criminal-case/4147
Разработка веб-сайта Кассационного Суда Республики Армения была осуществлeна при поддержке программы Совета Европы "Поддержка реформы уголовного правосудия и гармонизация применения европейских стандартов в Армении", софинансируемой Европейским союзом и Советом Европы. Содержание и точки зрения, представленные на веб-сайте Конституционного Суда Республики Армения, ни при каких обстоятельствах не могут рассматриваться как официальные точки зрения Европейского Союза и Совета Европы.