ПРЕДСЕДАТЕЛЬ И СУДЬИ КАССАЦИОННОГО СУДА РА ПРИНЯЛИ УЧАСТИЕ В РАБОТЕ КРУГЛОГО СТОЛА-ОБСУЖДЕНИИ ОТНОСИТЕЛЬНО РЕШЕНИЯ «ОБ УСТАНОВЛЕНИИ ОРИЕНТИРОВОЧНЫХ СРОКОВ СРЕДНЕЙ ПРОДОЛЖИТЕЛЬНОСТИ РАССМОТРЕНИЯ ДЕЛ ПО ОТДЕЛЬНЫМ ВИДАМ И СТЕПЕНИ СЛОЖНОСТИ»
2022 թվականի ապրիլի 21-ին ՀՀ Վճռաբեկ դատարանի նախագահ Լիլիթ Թադևոսյանը և Վճռաբեկ դատարանի դատավորները մասնակցել են ՀՀ Բարձրագույն դատական խորհրդի 2021 թվականի օգոստոսի 30-ի՝ «Գործերի քննության միջին տևողության ուղենիշային ժամկետները՝ ըստ գործերի առանձին տեսակների և բարդության սահմանելու մասին» թիվ ԲԴԽ-65-Ո-165 որոշման վերաբերյալ կլոր սեղան-քննարկմանը, որը կազմակերպվել էր Եվրոպայի խորհրդի կողմից։
Կլոր սեղան-քննարկման շրջանակներում հանդես գալով ելույթով, ՀՀ Վճռաբեկ դատարանի նախագահը, փաստելով խնդրո առարկա հարցի կարևորությունը, նշել է, որ ՀՀ Վճռաբեկ դատարանը, իր գործունեության հատկապես վերջին տարիների ընթացքում, ուշադրության առանցքում է կենտրոնացրել ողջամիտ ժամկետներում գործերի քննության ապահովումը՝ այն հաշվառմամբ, որ արդարադատության համակարգի նկատմամբ հասարակության վստահության աստիճանն ուղիղ համեմատական է ողջամիտ ժամկետներում գործի քննության իրավունքի ապահովման աստիճանի նկատմամբ։ Այդ պատճառով էլ այս իրավունքը դատաքննության արդարության գնահատման առաջնային գործիքն է, որն էլ հիմք է հանդիսացել միջազգային իրավական համայնքի և միջազգային կառույցների կողմից «ուշացած արդարադատությունը մերժված արդարադատություն է» կարգախոսը որդեգրելուն։ Հենց այդ կարգախոսի հիման վրա, Վճռաբեկ դատարանի քրեական պալատը, որպես Հայաստանի Հանրապետության քրեական արդարադատության համակարգում օրենքի միատեսակ կիրառության ապահովման ու մարդու իրավունքների և ազատությունների հիմնարար խախտումների վերացման բացառիկ իրավասությունը կրող մարմին, Լիլիթ Վարդանյանի և Զարինե Այվազյանի վերաբերյալ գործով 2019 թվականի սեպտեմբերի 18-ին կայացված որոշմամբ սահմանել է չափանիշներ՝ ողջամիտ ժամկետներում գործի քննության իրավունքի ապահովման համար։ Ընդ որում, հատկանշական է, որ այդ գործով Վճռաբեկ դատարանն առաջին անգամ արձանագրել է տուժողի իրավահաջորդի՝ ողջամիտ ժամկետներում գործի քննության իրավունքի խախտման փաստը։
Լ․Թադևոսյանը փաստել է, որ ՀՀ Վճռաբեկ դատարանի գործունեության ընթացքում իրականացված մշտադիտարկումների արդյունքում վաղուց արդեն հասունացել էր պահը՝ նախադեպային իրավունքի մակարդակով սահմանելու հստակ չափանիշներ՝ գործի քննության ողջամտությունը գնահատելու համար, որոնք 2019 թվականից ի վեր ուղենիշային են դարձել հայրենական դատական համակարգի համար։ Այս առումով կարևոր է այդպիսի չափանիշների իրավական որոշակիացումը՝ կոնկրետ ժամկետների ամրագրմամբ՝ Հայաստանի Հանրապետությունում դատարանների բնականոն գործունեության ապահովման պատասխանատվությունը կրող Բարձրագույն դատական խորհրդի կողմից։ 2021 թվականի օգոտոսի 31-ի որոշմամբ ԲԴԽ-ի կողմից, ըստ գործերի տեսակի և բարդության, սահմանված գործակիցները և գնահատման չափորոշիչները Վճռաբեկ դատարանի արտահայտած նախադեպային մոտեցումների հաշվառմամբ ուղղված են կանխատեսելի արդարադատության զարգացմանը։
Վճռաբեկ դատարանի նախագահը նաև նշել է, որ ներկայումս ընթացող դատաիրավական բարեփոխումների շրջանակներում դատավորների թվաքանակի ավելացման պայմաններում գործերի քննության ողջամիտ ժամկետների ապահովման առավել նպաստավոր պայմաններ են ստեղծվում մեր երկրում, ինչը ևս կազմում է կանխատեսելի արդարադատության զարգացման գրավականը։
Разработка веб-сайта Кассационного Суда Республики Армения была осуществлeна при поддержке программы Совета Европы "Поддержка реформы уголовного правосудия и гармонизация применения европейских стандартов в Армении", софинансируемой Европейским союзом и Советом Европы. Содержание и точки зрения, представленные на веб-сайте Конституционного Суда Республики Армения, ни при каких обстоятельствах не могут рассматриваться как официальные точки зрения Европейского Союза и Совета Европы.