ПРЕДСЕДАТЕЛЬ КАССАЦИОННОГО СУДА ПРИНЯЛА ПРЕДСТАВИТЕЛЕЙ ПРАВОВОЙ ПРОГРАММЫ АРМЯНСКОГО ОФИСА АГЕНТСТВА США ПО МЕЖДУНАРОДНОМУ РАЗВИТИЮ

2023 թվականի հունվարի 24-ին ՀՀ Վճռաբեկ դատարանի նախագահ Լիլիթ Թադևոսյանն ընդունել է ԱՄՆ միջազգային զարգացման գործակալության հայաստանյան գրասենյակի իրավական ծրագրի ներկայացուցիչներին` ԱՄՆ ՄԶԳ հայաստանյան գրասենյակի «Արդարադատության ոլորտի աջակցություն ծրագրի» տնօրեն Մարկ Լասսմանին, ԱՄՆ միջազգային զարգացման առաքելության հայաստանյան գրասենյակի «Արդարադատության ոլորտի աջակցություն ծրագրի» տնօրենի տեղակալ Նարինե Գասպարյանին և ԱՄՆ ՄԶԳ հայաստանյան առաքելության «Արդարադատության ոլորտի աջակցություն ծրագրի» խորհրդական Արմենակ Մինասյանցին:

Իր ողջույնի խոսքում Վճռաբեկ դատարանի նախագահն ընդգծել է, որ իրավունքի զարգացման գործառույթի շրջանակներում Վճռաբեկ դատարանը մշտապես կարևորել է միջազգային լավագույն փորձի ու առաջադեմ չափանիշների արդյունավետ կենսագործման ապահովումն ազգային իրավական համակարգում և այդ նպատակով փոխգործակցությունը միջազգային կառույցների հետ։

ԱՄՆ ՄԶԳ հայաստանյան գրասենյակի «Արդարադատության ոլորտի աջակցություն ծրագրի» տնօրեն Մ.Լասսմանը, շնորհակալություն հայտնելով ընդունելության համար, նույնպես կարևորել է համագործակցության ամրապնդումը՝ ներկայացնելով ԱՄՆ ՄԶԳ Հայաստանի արդարադատության ոլորտի աջակցության նոր հնգամյա իրավական ծրագիրը, որը միտված է լինելու առավել անաչառ և անկախ արդարադատության համակարգի ձևավորմանն աջակցելուն, ինչպես նաև իրավունքի գերակայության հանդեպ հանրային վստահության մակարդակը բարձրացնելուն:

Խորհրդակցության ընթացքում անդրադարձ է կատարվել նաև դատաիրավական ոլորտի խնդիրներին, դրանց հաղթահարման ուղղությամբ ձեռնարկվող քայլերին, այս ոլորտում հայ-ամերիկյան համագործակցությանը և տարբեր ուղղություններով ամերիկյան գործընկերների հետ ունեցած համագործակցության հետագա զարգացմանը վերաբերող հարցերին:

Խորհրդակցության ավարտին կողմերն ընդգծել են ապագայում համագործակցության նոր ուղիների մշակման և համատեղ ծրագրերի իրագործման կարևորությունը ու վերահաստատել համագործակցությունն ամրապնդելու պատրաստակամությունը:

Разработка веб-сайта Кассационного Суда Республики Армения была осуществлeна при поддержке программы Совета Европы "Поддержка реформы уголовного правосудия и гармонизация применения европейских стандартов в Армении", софинансируемой Европейским союзом и Советом Европы. Содержание и точки зрения, представленные на веб-сайте Конституционного Суда Республики Армения, ни при каких обстоятельствах не могут рассматриваться как официальные точки зрения Европейского Союза и Совета Европы.