THE PRESIDENT OF THE COURT OF CASSATION HOSTED THE REPRESENTATIVES OF THE OFFICE OF THE COUNCIL OF EUROPE IN YEREVAN

2022 թվականի նոյեմբերի 1-ին ՀՀ Վճռաբեկ դատարանի նախագահ Լիլիթ Թադևոսյանն ընդունել է Երևանում Եվրոպայի խորհրդի գրասենյակի ներկայացուցիչներին: Խորհրդակցությանը մասնակցել են «Աջակցություն դատական բարեփոխումների իրականացմանը՝ Հայաստանում դատական իշխանության անկախության և արհեսավարժության ամրապնդումը» ծրագրի ղեկավար Թամարա Բարբակաձեն, նույն ծրագրի պատասխանատու Նատալյա Ադամյանը, ինչպես նաև՝ «Աջակցություն Հայաստանում քրեական արդարադատության համակարգի բարեփոխումներին և պայքար վատ վերաբերմունքի և անպատժելիության դեմ» ծրագրի ղեկավար Գայանե Հովհաննիսյանը:
Խորհրդակցության ընթացքում անդրադարձ է կատարվել Երևանում Եվրոպայի խորհրդի գրասենյակի հետ տարիների ընթացքում ամրապնդված համագործակցության կարևորությանը՝ դատական համակարգի կարողությունների զարգացման համատեքստում։ Միաժամանակ, քննարկվել և առաջարկվել են փոխգործակցության նոր ուղիներ` Վճռաբեկ դատարանի ինստիտուցիոնալ հնարավորությունները խորացնելու առումով։
Խորհրդակցության ավարտին կողմերը վերահաստատել են ՀՀ Վճռաբեկ դատարանի և Եվրոպայի խորհրդի միջև համագործակցությունը շարունակելու և այն ամրապնդելու պատրաստակամությունը։

The website development of the Court of Cassation of Armenia was supported within the Project "Supporting the criminal justice reform and harmonising the application of European standards in Armenia" co-funded by the European Union and the Council of Europe. The content and views expressed on the website of the Court of Cassation of Armenia can in no way be taken to reflect the official opinion of the European Union and the Council of Europe".