CONGRATULATION LETTER OF THE CHIEF COMPULSORY ENFORCEMENT OFFICER OF THE REPUBLIC OF ARMENIA SERGEY MEGRYAN IN CONNECTION WITH THE 24TH ANNIVERSARY OF THE ESTABLISHMENT OF THE RA COURT OF CASSATION
Հարգելի՛ տիկին Թադևոսյան,
Վճռաբեկ դատարանի հարգելի՛ դատավորներ,
Հարկադիր կատարումն ապահովող ծառայության և անձամբ իմ անունից սրտանց շնորհավորում եմ ձեզ, Վճռաբեկ դատարանի աշխատակազմին և իրավաբանական հանրույթին Հայաստանի Հանրապետության Վճռաբեկ դատարանի հիմնադրման 24-ամյակի առթիվ:
Վճռաբեկ դատարանի՝ որպես Հայաստանի Հանրապետության բարձրագույն դատական ատյանի սահմանադրական առաքելությունը բացառիկ է՝ նախադեպային իրավունքի ձևավորմամբ ապահովել Հայաստանի Հանրապետությունում մարդու իրավունքների պաշտպանությունը՝ իրավունքի էությանը համապատասխան:
Անշուշտ, անգնահատելի է Վճռաբեկ դատարանի դերը դատական ակտերի օրինականության, իրավունքի գերակայության, դատական պաշտպանության և արդար դատաքննության իրավունքների երաշխավորման, դատական իշխանությունն առաջնորդելու, ամբողջ դատավորական համայնքին լավագույն օրինակ ծառայելու, ինչպես նաև դատական իշխանության հանդեպ հանրային վստահության ապահովման հարցում:
Հարգելի գործընկերնե՛ր, համոզված եմ, որ ձեր հետևողական ու նվիրված աշխատանքով շարունակելու եք նպաստել մեր երկրում վճռաբեկության ինստիտուտի շարունակական զարգացմանը և օրինակելի դատական իշխանության կայացմանը՝ հաղթահարելով ժամանակի բոլոր մարտահրավերները:
Վստահ եմ՝ Հայաստանի Հանրապետության անունից որակյալ դատական ակտերի կայացումը վճռորոշ է լինելու նաև դատական ակտերի կատարման ոլորտում իրավունքի զարգացման և դատական ակտերի պատշաճ կատարման ապահովման արդյունքում դատական պաշտպանության իրավունքի ամբողջական կենսագործման նպատակի իրագործման հարցում:
Կրկին շնորհավորելով Վճռաբեկ դատարանի հիմնադրման կապակցությամբ՝ մաղթում եմ քաջառողջություն, հաջողություն՝ գործելու հանուն Հայաստանի Հանրապետության և Հայաստանի Հանրապետության քաղաքացու:
ՀՀ գլխավոր հարկադիր կատարող,
Բարձրագույն դատական խորհրդի առաջին կազմի անդամ
Սերգեյ Մեղրյան
The website development of the Court of Cassation of Armenia was supported within the Project "Supporting the criminal justice reform and harmonising the application of European standards in Armenia" co-funded by the European Union and the Council of Europe. The content and views expressed on the website of the Court of Cassation of Armenia can in no way be taken to reflect the official opinion of the European Union and the Council of Europe".