THE ANTI-CORRUPTION CHAMBER OF THE RA COURT OF CASSATION FORMED PRECEDENT DECISIONS RELATED TO THE "DELAYED APPEAL" CRITERIA, ISSUES CONCERNING THE VALIDITY OF THE TIME LIMIT FOR SUBMITTING AN APPEAL FOR JUDICIAL REVIEW
Արմեն Մանուկյանի վերաբերյալ թիվ ԵԴ/0510/01/22 գործով 2023 թվականի հունիսի 8-ի որոշմամբ Վճռաբեկ դատարանն իրավական դիրքորոշում է արտահայտել «հետաձգված բողոքարկման» չափանիշների, ինչպես նաև դատական վերանայման բողոք բերելու համար սահմանված բաց թողնված ժամկետի վերականգնման հարցերի վերաբերյալ:
Մասնավորապես, Վճռաբեկ դատարանն արձանագրել է, որ դատական ակտերը, որոնց անմիջական բողոքարկման հնարավորություն օրենսդրությամբ նախատեսված չէ (չեն հանդիսանում անմիջական բողոքարկման առարկա), «հետաձգված բողոքարկման» կարգով կարող են վիճարկվել, եթե՝
- անմիջական բողոքարկման առարկա չհանդիսացող դատական ակտն առերևույթ առնչվում է շահագրգիռ անձի որևէ սուբյեկտիվ իրավունքին կամ իրավաչափ շահին,
- եզրափակիչ դատական ակտը ենթակա է բողոքարկման ընդհանուր կարգով։
Վճռաբեկ դատարանն ընդգծել է, որ քրեական վարույթի շրջանակներում իրավասու մարմնի կողմից կայացված վարութային ակտերի բողոքարկման ընթացակարգի կամ ժամկետների վերաբերյալ պարզաբանումներ չտրամադրելու, ՀՀ քրեական դատավարության օրենսգրքով նախատեսված կարգավորումներին չհամապատասխանող, ոչ ամբողջական, անորոշ կամ մոլորության մեջ գցող պարզաբանումներ տրամադրելու հետևանքով թույլ տրված խախտումն իրավունքի ուժով (ex jure) հարգելի համարելու վերաբերյալ դիրքորոշումը պայմանավորված է անձի իրավական պաշտպանության արդյունավետ միջոցի ապահովման անհրաժեշտության հետ, ուստի իրավական պաշտպանության արդյունավետ միջոցի իրավատեր չի կարող հանդիսանալ վարույթի հանրային մասնակիցը։
The website development of the Court of Cassation of Armenia was supported within the Project "Supporting the criminal justice reform and harmonising the application of European standards in Armenia" co-funded by the European Union and the Council of Europe. The content and views expressed on the website of the Court of Cassation of Armenia can in no way be taken to reflect the official opinion of the European Union and the Council of Europe".