THE CIVIL CHAMBER OF THE COURT OF CASSATION FORMED A POSITION ON THE EXTRAJUDICIAL PROCEDURES OF DETERMINING THE AMOUNT OF DAMAGE CAUSED AS A RESULT OF THE USE OF VEHICLES AND ON THE POSSIBILITY OF LITIGATING THE RESULTS OF EXAMINATION
Վճռաբեկ դատարանը, թիվ ԵԱՔԴ/2014/02/17 քաղաքացիական գործով, Մարտին Վարդանյանի կողմից ներկայացված վճռաբեկ բողոքի շրջանակներում անդրադառնալով ավտոտրանսպորտային միջոցի օգտագործման հետևանքով «Ավտոտրանսպորտային միջոցների օգտագործումից բխող պատասխանատվության պարտադիր ապահովագրության մասին» ՀՀ օրենքի իմաստով անձանց պատճառված վնասի չափի որոշման արտադատական ընթացակարգերին և փորձաքննության արդյունքները դատական կարգով վիճարկելու իրավական հնարավորությանը, վերահաստատելով ապահովագրական հարաբերությունները կարգավորող իրավանորմերի կապակցությամբ արտահայտած դիրքորոշումները, արձանագրել է, որ օրենսդիրը պատճառված վնասի չափի որոշման առումով սահմանելով որոշակի ընթացակարգ, միևնույն ժամանակ որոշակի սահմանափակումներ է կիրառել վերը նշված օրենքի իմաստով պատճառված վնասի չափը դատական կարգով որոշելու համար՝ դրա որոշման եղանակներն առավելապես նախատեսելով արտադատական կարգով, իսկ այդ վնասի չափի որոշման համար դատական կարգ սահմանել է բացառապես այն դեպքի համար, երբ արտադատական կարգով արդեն իսկ առկա է կրկնակի փորձաքննության եզրակացություն, որի արդյունքների հետ որևէ մեկն անհամաձայնություն ունի, և անհրաժեշտ է կրկնակի փորձաքննության արդյունքները բողոքարկել դատական կարգով։
Միաժամանակ Վճռաբեկ դատարանն արձանագրել է, որ նման իրավակարգավորում նախատեսելու արդյունքում, ըստ էության, չի խախտվում անձի՝ դատարանի մատչելիության իրավունքը, ու անձը չի զրկվում այդ իրավունքից այնպես կամ այն աստիճան, որ խախտվի այդ իրավունքի բուն էությունը, քանի որ սահմանելով նման իրավակարգավորում՝ օրենսդիրը նաև հետապնդել է իրավաչափ նպատակ՝ ողջամիտ հարաբերակցություն պահպանելով ձեռնարկվող միջոցների և հետապնդվող նպատակների միջև։
The website development of the Court of Cassation of Armenia was supported within the Project "Supporting the criminal justice reform and harmonising the application of European standards in Armenia" co-funded by the European Union and the Council of Europe. The content and views expressed on the website of the Court of Cassation of Armenia can in no way be taken to reflect the official opinion of the European Union and the Council of Europe".